Qan verənlərə gözlənilməz fürsət: Dövlət istiqrazları üçün növbəyə düzüldülər

Rumıniyada vətəndaşları qan donorluğuna təşviq etmək üçün qeyri-adi proqram həyata keçirilir.

Publika.az "Bloomberg"ə istinadən xəbər verir ki, qan verən şəxslərə dövlət istiqrazlarına daha sərfəli şərtlərlə investisiya etmək imkanı yaradılır.

Proqram iştirakçıları qan verdikdən sonra donor haqqında şəhadətnamə əldə edirlər. Bu sənədi broker hesabına yükləyərək illik gəlirliliyi 7 faizdən çox olan Rumıniya dövlət istiqrazlarını almaq mümkündür. Bu göstərici adi investorlar üçün təklif olunan gəlirlilikdən təxminən 1 faiz bəndi yüksəkdir.

Buxarestdə yaşayan 46 yaşlı menecer İonut Nedelya da proqramdan yararlananlar arasındadır. O, ildə bir neçə dəfə qan verir və daha sonra istiqrazları xüsusi şərtlərlə alır. Onun sözlərinə görə, prosedur günün yarısını apara bilər, lakin yüksək gəlirlilik bu imkanı cəlbedici edir.

“Qan müqabilində istiqrazlar” proqramı 2025-ci ilin əvvəlindən fəaliyyət göstərir. Bu müddətdə dövlət istiqrazlarına təxminən 3 milyard Rumıniya leyi (təxminən 15 milyard rubl) cəlb edilib. Bu məbləğ hökumətin borclanma ehtiyacının təxminən beşdə birini təşkil edir.

Müəllif: Adəm