"iPhone" alarkən bunları mütləq nəzərə alın - Əsas çatışmazlıqlar

“Apple”-ın “iPhone” smartfonlarının əsas çatışmazlıqları açıqlanıb.

Publika.az xəbər verir ki, bu barədə “SlashGear” nəşri məlumat yayıb.

Bildirilib ki, cihazların əsas mənfi cəhətləri arasında yüksək qiymət və məhdud fərdiləşdirmə imkanları yer alır. Mütəxəssislər qeyd ediblər ki, “iPhone” modellərinin qiyməti bir çox “Android” smartfonları ilə müqayisədə daha yüksəkdir və artıq uzun müddətdir min dollar həddini keçir.

Digər çatışmazlıq isə cihazların fərdiləşdirilməsinin məhdud olmasıdır. Belə ki, “iPhone”-da “Android”-də olduğu kimi başqa “launcher” quraşdırmaq və əməliyyat sistemini geniş şəkildə dəyişdirmək mümkün deyil. Bundan başqa, “iPhone”-larda yaddaş kartından istifadə etmək olmur.

Nəşr həmçinin qeyd edib ki, “iPhone”-un müxtəlif nəsilləri arasında dizayn və funksiyalar baxımından fərqlər bəzən kifayət qədər az olur. Faylların “iPhone”-dan kompüterə və ya “Android” smartfonuna ötürülməsi də müəyyən hallarda əlavə kabel və tətbiqlər tələb edə bilər.

Müəllif: Roza