Netanyahunun “hücum təhlükəsi” açıqlaması təkzib edildi

İsrail mətbuatı Baş nazir Benyamin Netanyahunun ölkəyə qarşı mümkün hücum təhlükəsi ilə bağlı açıqlamasını təkzib edib.

Publika.az xəbər verir ki, “Haaretz” nəşri İsrail ordusundakı mənbələrə istinadən ölkəyə qarşı hər hansı hücuma işarə edən konkret hazırlıqların və əməliyyat hərəkətliliyinin aşkarlanmadığını yazıb.

Məlumata görə, Netanyahu seçkilərdən əvvəl ölkəyə qarşı xarici hücum təhlükəsinin olduğunu və bununla bağlı müəyyən əlamətlərin mövcudluğunu iddia edib. Lakin ordu mənbələri belə bir hücum hazırlığının aşkar edilmədiyini bildiriblər.

Qeyd olunub ki, təhlükəsizlik qurumları hələlik ordunun hazırlıq səviyyəsinin artırılması, ehtiyatda olan hərbçilərin xidmətə çağırılması və ya fövqəladə hallar üzrə personalın səfərbər edilməsi istiqamətində addım atmayıb.

Benyamin Netanyahu oktyabrın 27-də keçirilməsi planlaşdırılan ümumi seçkilər ərəfəsində təhlükəsizliklə bağlı açıqlamalar verib və müdafiə rəhbərliyi ilə iclas keçirib. Müxalifət partiyaları isə onun bəyanatını “siyasi manevr” kimi qiymətləndiriblər.

Müəllif: Roza