Maduro və həyat yoldaşına qarşı yeni ittihamlar gözlənilir
Bizi izləyin

Dünya

Maduro və həyat yoldaşına qarşı yeni ittihamlar gözlənilir

Maduro və həyat yoldaşına qarşı yeni ittihamlar gözlənilir

Nyu-York prokurorluğunun Venesuelanın keçmiş prezidenti Nikolas Maduro və həyat yoldaşı Seliya Floresə qarşı yeni ittihamlar irəli sürəcəyi gözlənilir.

Publika.az xəbər verir ki, bu barədə "CNN Politics" məlumat yayıb.

Bildirilir ki, ittihamlar Maduro hakimiyyətdə olduğu dövrdə Venesuela həbsxanalarında saxlanılan ABŞ vətəndaşlarına işgəncə verilməsi ilə bağlıdır. İstintaq mənbələri daha bir neçə şəxsin də işgəncələrdə mümkün roluna görə məsuliyyətə cəlb edilə biləcəyini bildiriblər.

Maduro və Flores yanvarda ABŞ hərbçilərinin Karakasdakı prezident sarayında keçirdiyi əməliyyat zamanı saxlanılıblar. Hazırda Nyu-Yorkda saxlanılırlar. Floresin vəkili onun məhkəməyədək ev dustaqlığına keçirilməsini istəyəcək.

Maduronun vəkili isə həbsə etiraz edərək, keçmiş prezidentin hakimiyyətdə olduğu dövrdə baş verdiyi iddia edilən əməllərə görə toxunulmazlıqdan istifadə etməli olduğunu bildirir.

Müəllif: Adəm

Oxumağa davam et
Reklam
Reklam

Gündəm

Zəfaran Hospital
Səba