Ən uzunömürlü qadınlar bu ölkələrdə yaşayırlar: Siyahının zirvəsindəki təəccübləndirdi

Dünyada qadınların ən uzun ömür sürdüyü ölkələrin siyahısı açıqlanıb.

Publika.az xəbər verir ki, “The Global Economy” nəşrinin dərc etdiyi siyahının ilk pilləsində qadınlar üçün orta ömür uzunluğu 88,7 il olan Monako qərarlaşıb.

Monakoda yüksək gəlir səviyyəsi, inkişaf etmiş infrastruktur və səhiyyə xidmətlərinə asan çıxış əsas üstünlüklər arasında göstərilir. Ölkənin kiçik əraziyə malik olması tibb müəssisələrinə və əsas xidmətlərə çatmağı asanlaşdırır.

İkinci yerdə 88 il göstərici ilə Yaponiyadır. Ölkədə müntəzəm sağlamlıq müayinələri və yaşlılara qulluq xidmətləri yaşla əlaqəli sağlamlıq problemlərinin idarə olunmasına kömək edir.

Üçüncü yerdə isə 87,4 il ilə Cənubi Koreya gəlir. Yaşlı əhalinin gündəlik həyatda fəal qalmasını dəstəkləyən ictimai nəqliyyat və şəhər infrastrukturu ölkədə diqqət çəkən amillər arasındadır.

Dördüncü sırada 87,3 il göstərici ilə San-Marinodur. Burada səhiyyə xidmətlərinə çıxış və Avropa səhiyyə sistemləri ilə əlaqəli xidmətlər qadınların həyat keyfiyyətinin qorunmasında mühüm yer tutur.

Siyahıda beşinci yerdə 86,6 il ilə İspaniya qərarlaşıb. Gündəlik gəzintilərin geniş yayılması və sosial münasibətlərin güclü qalması qadınların uzunömürlülüyünü dəstəkləyən xüsusiyyətlər arasında sayılır.

Sinqapur 86,5 il göstərici ilə altıncıdır. Burada inkişaf etmiş səhiyyə sistemi və xəstəliklərin erkən aşkarlanmasına yönəlmiş tədbirlər diqqət çəkir.

Andorra 86,4 il ilə yeddinci sıradadır. Yüksək həyat standartları və səhiyyə xidmətlərinə çıxış imkanları ilə yanaşı, ölkənin dağlıq coğrafiyası açıq havada vaxt keçirmək üçün əlverişli şərait yaradır.

Fransa 86,3 il ilə səkkizinci pillədə qərarlaşıb. Geniş yayılmış səhiyyə xidmətləri, profilaktik sağlamlıq tədbirləri və müntəzəm müayinələrdən yararlanmaq imkanı qadınların həyat keyfiyyətini dəstəkləyən amillər arasında göstərilir.

Siyahıda 86,2 il ilə 9-cu olan İsveçrədə inkişaf etmiş səhiyyə sistemi və keyfiyyətli tibbi xidmətlərlə yanaşı, təhlükəsiz yaşayış şəraiti və təmiz ətraf mühiti ölkədə həyat keyfiyyətini dəstəkləyən xüsusiyyətlər arasındadır.

İtaliya isə 86 il göstərici ilə siyahıda onuncu yerdədir. Bu ölkədə güclü ailə bağları və fəal sosial həyat yaşlılıq dövründə də sosial münasibətlərin qorunmasına kömək edir. Səhiyyə xidmətlərinə çıxış da qadınların həyat keyfiyyətini dəstəkləyən amillər arasında göstərilir.

Müəllif: Roza