NASA alimləri “uçan boşqab” yaradıb

NASA alimləri Marsa uçuş üçün “uçan boşqab” yaradıblar. NASA-da ilk dəfə olaraq yeni kosmik qurğunu sınaqdan keçirməyə hazırlaşırlar.

Publika.az-ın məlumatına görə, mütəxəssislərin “aerodinamik şişirdilmiş yüksəksəsli sürət azaldıcı” adlandırdıqları “uçan boşqab” Havay arxipelaqındakı Kauai adasındakı ABŞ-ın Hərbi Hava Qüvvələrlərinin raket poliqonunda iyun ayının birinci yarısında sınaqdan keçiriləcək.

Eksperiment stratosferdə aparılacaq. Konstruktorların təsəvvürlərinə görə, gələcəkdə bu qurğunun kosmik gəmilərə quraşdırılması planlaşdırılır. Bu öz növbəsində seyrəldilmiş Mars atmosferi şəraitində onların tormozlanmasını və Qırmızı planetin səthinə yumşaq enməsini təmin edəcək.

Qurğunun 6 və 8 metr diametr həcmi olan iki variantının hazırlanması planlaşdırır.

Birinci variant kosmik yük maşınları üçün, ikincisi isə pilotla idarə edilən gəmilər üçün nəzərdə tutulub.

Konstruksiya 33,5 m diametrli ağır yüklərin Marsa uğurlu enməsini, həmçinin işlək modul, idarə olunan qurğular və ekipajın Yer kürəsinə qayıdışını təmin etməyə kömək edəcək böyük paraşütlə təchiz olunub.

Sınaq zamanı “boşqab” hava şarında 36 kilometr hündürlüyə qaldırılaraq raket mühərrikləri vasitəsilə işə salınacaq. 55 kilometr hündürlüyə qalxaraq səs sürətindən 3,5 dəfə yüksək sürət yığdıqdan sonra, qurğunun sürəti şişirdilmiş tormoz mexanizmi və paraşüt vasitəsi ilə azalmağa başlayacaq. Aparat Sakit okean sularına enəcək və orada Amerika hərbi dənizçiləri tərəfindən götürüləcək.