Şəkinin mərkəzində peyda olan ayı ilə bağlı nazirlikdən AÇIQLAMA

Əhalidən bir daha xahiş edirik ki, qonur ayının olduğu əraziyə yaxınlaşmasınlar, təmkinli olsunlar və onu hürkütməsinlər. Bu, qeyri-adi bir hadisə deyil, vəhşi heyvanların şəhər və qəsəbələrdə görünməsi dünyanın bir çox yerində zaman-zaman müşahidə olunur.

Bunu jurnalistlərə açıqlamasında Bioloji Müxtəlifliyin Qorunması Xidmətinin rəis müavini Arzu Səmədova Şəki şəhərinin mərkəzində qonur ayının hərəkət etməsinə münasib bildirərək deyib.

“Qeyd edək ki, qonur ayı Azərbaycan faunasının nəsli kəsilmək təhlükəsi olan növlərindəndir. Bütün tədbirləri görməliyik ki, insanlar üçün təhlükə yaranmasın, eyni zamanda, qonur ayıya da zərər dəyməsin. Ayının sağ-salamat Altıağac Milli Parkındakı Vəhşi Təbiətin Reabilitasiyası Mərkəzinə aparılması üçün bütün zəruri tədbirlər görülür”, - deyə A.Səmədova diqqətə çatdırıb.

Xatırladaq ki, bu gecə saat 4 radələrində Şəki şəhərinin mərkəzində qonur ayının hərəkət etdiyi müşahidə olunub. Şəki Regional Ekologiya İdarəsinin əməkdaşları polislə birgə ayının insanlar üçün təhlükə yaratmaması üçün tədbirlər görür, onun vəhşi təbiətə qaytarılması üsullarını nəzərdən keçirirlər. (azırtac)