Milli parklarda gözlənilən hava şəraiti...

İstirahət günlərində, yəni martın 15-16-da Milli parklarda gözlənilən hava şəraiti açıqlanıb.

Bu barədə Publika.az-a Milli Hidrometeorologiya Xidmətindən məlumat verilib.

Bildirilib ki, Göygöl Milli Parkında gecə və səhər saatlarında zəif duman olacaq. Mülayim şərq küləyi əsəcək. Havanın temperaturu gecə 5-10° isti, gündüz 20-24° isti olacaq.

Şahdağ milli parkında turistləri sabit, əsasən yağmursuz hava şəraiti gözləyir. Gecə və səhər saatlarında zəif duman olacaq. Mülayim şərq küləyi əsəcək. Havanın temperaturu gecə 2-6° isti, gündüz 17-22° isti olacaq.

Altıağac Milli Parkında hava əsasən yağmursuz olacaq. Gecə və səhər saatlarında zəif duman olacaq. Mülayim şərq küləyi əsəcək. Havanın temperaturu gecə 10-13° isti, gündüz 20-24° isti olacaq.

Şimal bölgəsinə səyahət edənləri əsasən yağmursuz hava şəraiti gözləyəcək. Gecə və səhər saatlarında zəif duman olacaq. Mülayim şərq küləyi əsəcək. Havanın temperaturu gecə 10-12° isti, gündüz 27-29°isti olacaq.

Şirvan Milli Parkında turistləri sabit, yağmursuz hava şəraiti gözləyir. Mülayim şərq küləyi əsəcək. Havanın temperaturu gecə 9-11° isti, gündüz 25-27° isti olacaq.

Ağgöl Milli Parkında havanın sabit, əsasən yağmursuz keçəcəyi gözlənilir. Mülayim şərq küləyi əsəcək. Havanın temperaturu gecə 7-9° isti, gündüz 23-26° isti olacaq.

Qızılağac Milli Parkında səyahətçiləri əsasən yağmursuz hava şəraiti gözləyir. Gecə və səhər saatlarında zəif duman olacaq.Mülayim şərq küləyi əsəcək. Havanın temperaturu gecə 6-10° isti, gündüz 20-23° isti olacaq.

Hirkan Milli Parkında isə cənub zonasına səyahət edənləri əsasən yağmursuz hava şəraiti gözləyir. Gecə və səhər saatlarında zəif duman olacaq. Şərq küləyi əsəcək. Havanın temperaturu gecə 6-10° isti, gündüz 20-24° isti olacaq.