Magistraturaya qəbul üçün son 3 saat
Bizi izləyin

Elm və təhsil

Magistraturaya qəbul üçün son 3 saat

Magistraturaya qəbul üçün son 3 saat

Ali təhsil müəssisələrinin və Azərbaycan Milli Elmlər Akademiyasının magistraturalarına elektron ərizə qəbulu üçün artırılan vaxt bu gün saat 12:00-da başa çatır.

Publika.az xəbər verir ki, ərizələrini doldurmuş, lakin hələ təsdiq etməmiş bakalavrlar qeyd olunan tarixədək elektron ərizələrini təsdiq edə bilərlər.

Qeyd edək ki, ötən gün axşam saatlarına olan məlumata əsasən, 12260 bakalavr ərizə doldurub və onlardan 11731 nəfəri öz ərizəsini təsdiq edib.

Elektron ərizələrini Sənəd Qəbulu Komissiyasında (SQK) təsdiq etdirməli olan namizədlərin nəzərinə çatdırırıq ki, SQK 13 fevral saat 12:00-dək fəaliyyət göstərəcək. Ünvan: Yasamal rayonu, Mikayıl Müşviq küçəsi, 1M.
Qeyd edək ki, ərizələrin qəbulu üçün verilən vaxt ötən gün başa çatsa da ərizələrini doldurmuş, lakin təsdiq etməmiş namizədlərin sayının çox olması nəzərə alınaraq müddət bu gün saat 12:00-dək uzadılıb.

Oxumağa davam et
Reklam
Reklam

Gündəm