Elm və təhsil

Müəllimlərin dərs yükü azaldılacaq?

27 Avqust 2020 18:28

Orta məktəblərdə çalışan 38 faiz müəllim 50 yaşdan yuxarıdır.

Publika.az xəbər verir ki, bunu Təhsil naziri Emin Əmrullayev Təhsil Nazirliyinin bu gün keçirdiyi brifinqdə deyib:

"Bu müəllimlərin dərs yükünün azaldılması düşünülmür. Bu səbəblə əvəzlənmə yaxud əməkhaqlarında heç bir dəyişiklik olmayacaq. 60 yaşından yuxarı 12 faiz müəllim var ki, onların əvəz edilməsi düşünülür".

Nazir qeyd edib ki, orta məktəblərin açılması ilə bağlı erkən qərar vermək düzgün deyil:

"Düşünmürəm ki, qəbul edəcəyimiz qərarlar dünyada qəbul olunan qərarlardan fərqlənəcək. Bəzi ölkələr metodiki göstərişləri əvvəlcədən elan etsələr də, sonradan təhsilin başlanması tarixində dəyişikliklər edilib. Artıq cəmiyyətdə maskaların taxılması, hərarətin ölçülməsi işə bağlı bir vərdiş formalaşıb".