Yeni məktəbli formaları BAHALAŞACAQ? - AÇIQLAMA
Bizi izləyin

Elm və təhsil

Yeni məktəbli formaları BAHALAŞACAQ? - AÇIQLAMA

Yeni tədris ilinə iki aydan çox vaxt qalıb. Xeyli vaxt qalmasına baxmayaraq, yeni məktəbli formaları ilə bağlı anonslar insanlarda maraq doğurur. Əksəriyyət yeni formaların keyfiyyət və qiymətilə maraqlanır.

Publika.az-ın məlumatına görə, Azərbaycanda məktəbli formalarının tikilişini və satışını həyata keçirən “Bakı Tikiş Evi” (BTE) ASC-nin satış üzrə müdiri Etibar Əzimov modern.az-a açıqlamasında bildirib ki, hələ ki yeni məktəbli formalarının tikilişi üçün parça ölkəmizə gətirilməyib:

“Ona görə hələ qiyməti də deyə bilmirik. Xərcimiz bilinəndə qiyməti müəyyənləşdirə biləcəyik. Parçalar sifariş edilib, iyulun 25-nə kimi Azərbaycanda olmalıdır.

Biz nümunə üçün istehsala başlamışıq. Amma parçalar gəldikdən sonra avqustdan intensiv tikilişlərə davam edəcəyik”.

E.Əzimov qiymətlərin artacağını istisna etməyib:

“Builki parçalar daha keyfiyyətli olacaq. Geyimlər pambıqdan və yundan ibarətdir. Bu da təbii əvvəlki məktəbli formaları ilə müqayisədə qiymətin artmasına təsir edə bilər”.

Oxumağa davam et
Reklam
Reklam

Gündəm