Elm və təhsil

Buraxılış imtahanlarının nəticələrinin elan olunacağı VAXT AÇIQLANDI

1 Aprel 2024 11:56

Xəbər verdiyimiz kimi, DİM martın 3-də tam (11 illik) orta təhsil səviyyəsi üzrə buraxılış imtahanı keçirib.

Bəs imtahan cavabları nə vaxt elan olunacaq?

Dövlət İmtahan Mərkəzindən Publika.az-a verilən məlumata görə, 3 mart tarixində keçirilmiş buraxılış imtahanının nəticələrinin bu həftə ərzində elan olunması nəzərdə tutulur.

Bildirilib ki, imtahan nəticələri hazır olan kimi elan olunur, dəqiq vaxt demək mümkün deyil.

Qeyd edək ki, imtahanlarda istifadə olunan yazılı cavab tələb edən açıq tipli tapşırıqların yoxlanılması vaxt tələb etdiyindən nəticələr 4 həftə ərzində elan olunur. DİM-də imtahan protokolları və cavab vərəqlərinin emalına isə martın 4-dən etibarən başlanılıb.