• USD 1,7000 0,00% EUR 1,8883 +0,22%
    • GBP 2,2364 +0,31% RUB 0,0267 +0,37%

DÇ-2018: Braziliya da mübarizəni dayandırdı - YENİLƏNİR

DÇ-2018: Braziliya da mübarizəni dayandırdı - YENİLƏNİR

Bu gün Rusiyada keçirilən futbol üzrə dünya çempionatında ¼ final mərhələsinə start verilib.

Publika.az xəbər verir ki, Kazanda Brazilya ilə Belçika qarşılaşıb.

Görüş Belçikanın 2:1 hesablı qələbəsi ilə başa çatıb. Beləliklə, Belçika yığması 1/2 finala vəsiqə qazanıb.

Bundan əvvəl Fransa yığması Uruqvayı 2:0 hesabı ilə məğlub edərək yarımfinala çıxmışdı.

DÇ-2018. 1/4 final

6 iyul

Braziliya – Belçika - 1:2

Qollar: Renato Auqusto, 76 - Fernandinyo, 13 (avtoqol); Kevin De Bruyne, 31

Kazan Arena

***

Dünya çempionatının 1/4 final matçında üz-üzə gələcək Braziliya və Belçika yığmalarının start heyətləri açıqlanıb.

"Report"un məlumatına görə, komandalar meydana aşağıdakı "11-lik"lə çıxacaqlar:

Braziliya: 1. Alisson Bekker, 2. Tiaqo Silva, 3. Miranda, 9. Qabriel Jezus, 10. Neymar, 11. Filippe Koutinyo, 12. Marselo, 15. Paulinyo, 17. Fernandinyo, 19. Villian, 22. Faqner

Belçika: 1. Tibo Kurtua, 2. Tobi Alderveyreld, 4. Vensan Kompani, 5. Yan Vertongen, 6. Aksel Vitsel, 7. Kevin De Bruyne, 8. Maruan Fellaini, 9. Romelu Lukaku, 10. Eden Azar, 15. Tomas Myonye, 22. Naser Şadli

“Kazan Arena”da keçiriləcək oyun Bakı vaxtı ilə saat 22:00-da başlanacaq.

22.00 Braziliya - Belçika 1:2

***

Rusiyada keçirilən futbol üzrə dünya çempionatında 1/4 final mərhələsinə start verilib.

Publika.az xəbər verir ki, Fransa Uruqvay millisi ilə üz-üzə gəlib. "Nijni Novqorod” stadionunda baş tutan qarşılaşma fransızların 2:0 hesablı qələbəsi ilə başa çatıb.

Görüşdə ilk qolu 40-cı dəqiqədə Rafael Varan vurub. Antuan Qrizman 61-ci dəqiqədə fərqlənməklə oyunda son nöqtəni qoyub.

Qeyd edək ki, Fransa yığması yarımfinalda Braziliya-Belçika cütünün qalibi ilə qarşılaşacaq.

DÇ-2018

1/4 final

6 iyul

18:00. Uruqvay - Fransa - 0:2

Qollar: Rafael Varan, 40. Antuan Qrizmann, 61

Hakimlər: Nestor Pitana, Ernan Maydana, Xuan Pablo Belatti (hamısı Argentina), Alireza Faqani (İran).

Nijni Novqorod. "Nijni Novqorod” stadionu.

***

DÇ-2018-in 1/4 final mərhələsində Uruqvay – Fransa matçının start heyətlər açıqlanıb.

Publika.az xəbər verir ki, komandalar meydana aşağıdakı 11-liklərlə çıxacaqlar:

Uruqvay: Muslera, Ximenes, Qodin, Bentankur, Nandes, Suares, Stuani, Torreyra, Vesino, Laksalt, Kasares

Fransa: Loris, Pavar, Varan, Umtiti, Hernandes, Tolisso, Kante, Poqba, Qirzmann, Jiru, Mbappe

Matç Bakı vaxtı ilə 18:00-da başlayıb.

Uruqvay - Fransa - 0:1 (Fasilə)
Qol:
Varan, 40

***

Rusiyada keçirilən 21-ci Dünya Çempionatının 1/4 final həyəcanı sabah başlayacaq.

Publika.az xəbər verir ki, adlarını yarımfinala yazdırmaq uğrunda mübarizə aparacaq komandaların oyunu 2 gün ərzində baş tutacaq.

1/4 finalda Avropadan 6 (Fransa, Belçika, Rusiya, Xorvatiya, İsveç, İngiltərə) Latın Amerikasından isə 2 (Braziliya, Uruqvay) mübarizə aparacaq.

Mərhələ çərçivəsində 4 oyun keçiriləcək. İlk gündə Uruqvay ilə Fransanın talelərinə aydınlıq gələcək. Günün digər matçı Braziliya ilə Belçika arasında baş tutacaq. İkinci gündə isə İsveç İngiltərə, Rusiya isə Xorvatiya ilə şanslarını sınayacaq.

1/4 finalın cədvəli belədir:

6 iyul, cümə

18.00 Uruqvay-Fransa (“Nijnıy Novqorod” stadionu)

22.00 Braziliya-Belçika (Kazan Arena)

7 iyul, şənbə

18.00 İsveç-İngiltərə (Samara Arena)

22.00 Rusiya-Xorvatiya (“Fişt” stadionu)

Zümrüd

Xəbər lenti

DAHA ÇOX XƏBƏR