Formula 1

PSJ-də növbəti qalmaqal: Bu dəfə Messi...

2 May 2023 17:28

PSJ-nin düşərgəsindən daha bir qalmaqallı məlumat yayılıb.

Publika.az xəbər verir ki, Səudiyyə Ərəbistanına səfər edən hücumçu Lionel Messi buna görə heç kimdən icazə almayıb. O, Ər-Riyada getməsi üçün baş məşqçi Kristof Qaltye və idman direktoru Luis Kamposdan razılıq almalıydı, amma bunu etməyi lüzum görməyib. Bu barədə "L`Equipe" məlumat yayıb.

35 yaşlı hücumçu Fransa Liqa 1-in 33-cü turunda “Loryan”ə uduzduqları (1:3) oyundan 3 saat sonra Səudiyyə Ərəbistanına uçub. PSJ "Loryan"a qalib gələcəyi halda futbolçulara bir günlük istirahət verilməsi nəzərdə tutulsa da. məğlubiyyətə görə həftəsonu istirahəti ləğv edilib. Komanda yoldaşları elə ertəsi gün səhər bazada məşq ediblər. Ancaq Messi orada olmayıb. Futbolçular Lionelin gedişindən şoka düşüblər.

Ulduz futbolçunun bu addıma görə cəzalandırılıb-cəzalandırılmayacağı ictimaiyyətə məlum deyil.

Qey edə ki, Messinin PSJ ilə müqaviləsi bu yay başa çatır. Onun "Barselona"ya qayıtması gündəmdədir.

Heybət