Gözəllik

Məşhur modeldən bayram manikürü - FOTO

21 Dekabr 2022 17:33

Tanınmış amerikalı model Heyli Biberin adı hər zaman dünyanın ən zövqlü xanımları arasında çəkilir. Odur ki, modelin hər addımının moda səhifələrinə düşməsi təsadüf deyil. Onun seçdiyi hər aksessuar, hər geyim, hətta makiyaj və manikür də trendə çevrilir.

Publika.az xəbər verir ki, 26 yaşlı model, "Rhode" kosmetika brendinin qurucusu bayram ərəfəsində izləyicilərinə Yeni İl manikürü üçün gözəl ideya verib. Qırmızı rəngi çox sevdiyini deyən model zərif əllərini "İnstaqram" izləyiciləri ilə paylaşıb və onlar həqiqətən də gözəl görünürlər. Klassik fransız maniküründə ağ xətt qırmızı ilə əvəz edilib ki, bu da əllərə zəriflik və incəlik qatıb. O, makiyajını da qırmızı pomada ilə tamamlayıb. Ümumiyyətlə, qırmızı manikür və pomada Milad bayramında həmişə aktual olan klassikadır.

Xatırladaq ki, bir müddət əvvəl Hayley "Tiffany & Co." markasının bayram zərgərlik kampaniyasında rol almışdı, reklam təkcə qızıl bilərziklər, üzüklər və boyunbağılarla deyil, həm də onun parlaq maniküriylə yadda qalmışdı.