Gözəllik

Makiyaj çantanızdakı TƏHLÜKƏ - Bu maddələr xərçəngə və sonsuzluğa səbəb ola bilər

19 Sentyabr 2025 08:00

“Verywell Health” şirkətinin həkimləri makiyajın xərçəng riskini artıra biləcəyi barədə xəbərdarlıq ediblər.

Publika.az xəbər verir ki, bu barədə şirkətin rəsmi açıqlamasında deyilir.

Mütəxəssislərin sözlərinə görə, kosmetik vasitələrin tərkibində tez-tez təhlükəli maddələr olur: arsen, qurğuşun, kadmium, xrom və civə.

Həkimlərin sözlərinə görə, bəzən onların miqdarı normadan artıq olur. Daimi istifadə zamanı, az dozada belə, bu maddələr qana keçərək ciddi fəsadlara səbəb ola bilər:

idrak və reproduktiv funksiyaların pozulması;
böyrəklərlə bağlı problemlər;
onkoloji xəstəliklər riskinin artması.

Mütəxəsislər həmçinin kosmetikaya qarşı mümkün allergik reaksiyaları da xatırladıblar: qızartı, qaşınma, şişkinlik və səpgilər. Onlar yeni vasitələri istifadə etməzdən əvvəl dərinin kiçik sahəsində yoxlamağı məsləhət görüblər.

Hüseyn İbadlı