Hesablama Palatasından YENİ TƏKLİF

Hesablama Palatası dövlət proqramlarının vahid yanaşma əsasında tərtib edilməsini və proqramlılıq ilə bağlı məlumatların artırılmasını təklif edir.

Palatadan Publika.az-a bildirilib ki, 2022-ci ilin dövlət büdcəsinin layihəsinə Hesablama Palatasının Rəyində məqsədli proqramlar üzrə nəzərdə tutulmuş maliyyələşmə barədə məlumatın “Büdcə zərfi”nə ayrıca daxil edilməsi, burada gözlənilən nəticələrin əks etdirilməsi üçün qanunvericilikdə dəyişikliklərin edilməsi, icra müddəti başa çatmış proqramlara dövlət büdcəsindən vəsaitlərin ayrılmamasının məqsədəmüvafiq olduğu qeyd edilib. Eyni zamanda, bildirilib ki, dövlət proqramları ilə bağlı məlumatların təhlili proqramların vahid yanaşma əsasında tərtib olunması və nəticəliliyin ölçülməsi məqsədilə hazırda qüvvədə olan əksər dövlət proqramlarının Azərbaycan Respublikası Prezidentinin 2021-ci il 6 mart tarixli Fərmanı ilə təsdiq edilmiş “Dövlət proqramlarının tərtibi, icrası, monitorinqi və qiymətləndirilməsi Qaydası”na uyğunlaşdırılmasının vacibliyini göstərir.