Qlobal ticarət 2 böyük bloka bölünür, təhlükə yaxınlaşır: BƏDBİN PROQNOZ

"Çin və ABŞ arasındakı qarşıdurma səbəbindən dünya iqtisadiyyatı ÜDM-in 10%-ni itirə bilər. Mütəxəssislər qlobal ticarətin 2 böyük bloka bölünməsi halında belə bir ssenarinin olacağını gözləyirlər".

Publika.az xəbər verir ki, bunu Ümumdünya Ticarət Təşkilatının ( ÜTT) rəhbəri Nqozi Okonjo-İveala "Financial Times" qəzetinə müsahibəsi zamanı deyib.

Onun sözlərinə görə, qlobal ÜDM-in azalması ilə bağlı ilkin proqnoz 5% səviyyəsində idi, lakin Çin və ABŞ arasında yeni mübarizə raundu iqtisadçıları proqnoza yenidən baxmağa məcbur etdi.

Nəticədə, onlar bu qənaətə gəlib ki, eniş 8,7% olacaq.

ÜTT rəhbəri qeyd edib ki, bundan ən çox əziyyət çəkən inkişaf etməkdə olan ölkələr olacaq. Onlar üçün ÜDM-in azalması real çökməyə çevrilə bilər, ona görə də iqtisadi siyasətlərinə 14% və ya daha çox azalma daxil etməlidirlər.

Digər tərəfdən, Okonjo-İveala qeyd etdi ki, qlobal iqtisadiyyata onlayn ticarətin inkişafı kömək edə bilər. Ekspertin sözlərinə görə, bu sənaye son illər “fenomenal” inkişaf edib. Xüsusilə, 2020-ci ildən 2022-ci ilə qədər bu cür satışın həcmi ildə 3,8 trilyon dollara qədər artıb ki, bu da bütün dünya iqtisadiyyatının 13%-ni təşkil edir.

Qeyd edək ki, BVF bildirib ki, indi dünya iqtisadiyyyatında yüksək qeyri-müəyyənliklə xarakterizə olunur. Onun bərpasına nail olmaq çətindir və parçalanma dərinləşir. Mütəxəssislər xəbərdarlıq ediblər ki, bir çox ölkələrdə borc zəifliyi artıb, ərzaq və enerji təhlükəsizliyinə təhlükə qalmaqdadır.

Ayşən Rəhim