Beynəlxalq Valyuta Fondu da təsdiqlədi: Dünya dollardan imtina edir

"Dünya tədricən dollardan imtina edir".

Publika.az xəbər verir ki, bunu Beynəlxalq Valyuta Fondunun rəhbəri Kristalina Georgiyeva bildirib.

O qeyd edib ki, əgər əvvəllər ehtiyatların 70%-i Amerika valyutasından ibarət idisə, indi bu rəqəm 60%-dən bir qədər aşağı düşüb. Bununla belə, BVF rəhbəri də ekspertlər kimi dolların tamamilə çökməsi ilə bağlı müzakirələri şişirtmə hesab edir və hələlik alternativlər nəzərdə tutulmur.

Bir sıra iqtisadçılar Georgieva ilə razılaşıb ki, hazırda dolların ehtiyat valyuta kimi alternativi yoxdur.

"Axı dollar onilliklər ərzində öz statusunu qazanıb və digər valyutalar o qədər də lazım deyildi. Ona görə indi bizdə dollar və bir neçə valyuta var ki, onlar gələcəkdə dolların statusuna yaxınlaşa bilər, çünki dünya valyuta sistemində islahatlar aparılmalıdır",- ekspert deyib.

Ekspert hazırda qlobal iqtisadiyyatı transformasiya edən və gələcəkdə dollara da təsir edə biləcək rəqəmsal valyuta və aktivləri də xatırladıb.

"Biz əhəmiyyət baxımından dollara yaxınlaşa bilən digər valyutaları görə bilərik. Amma bunun üçün onilliklər və valyutası dollara rəqib olmağı planlaşdıran ölkənin iqtisadiyyatının davamlı inkişafı lazımdır”, - deyə o, yekunlaşdırıb.

Ayşən