Gələn il neftin qiyməti elə həddə qalxacaq ki... - PROQNOZ

2025-ci ildə "Brent" markalı neftin bir barelinin qiyməti orta hesabla 76 dollar olacaq.

Publika.az xəbər verir ki, bu barədə "Goldman Sachs" analitikləri bildirib.

Onların fikrincə, bazar gələn il qlobal miqyasda neftin bolluğuna şahidlik edəcək. Hədəf qiyməti (76 dollar/barel) ABŞ və Çin tərəfindən strateji neft ehtiyatlarının müəyyən qədər artırılmasını nəzərdə tutur ki, bu da ehtimal olunan profisiti kompensasiya etməyə kömək edəcək.

"Goldman Sachs" 2025-ci ildə təklifin Amerika qitəsindəki güclü təklif artımı ilə gündə 400.000 barel tələbi üstələyəcəyini gözləyir. OPIS-in məlumatına görə, ABŞ-a tədarükün artımı sutkada 640 min barel, Kanadada - 220 min barel, Braziliyada - 130 min barel, Qayanada isə 80 min barel/gün səviyyəsində qiymətləndirilir.

Ekspertlər birinci rübdə "Brent" markalı neftin orta qiymətini 75 dollar/barel, ikincidə 77 dollar/barel, üçüncüdə 76 dollar, dördüncü rübdə isə 74 dollar/barel səviyyəsində gözləyirlər. "WTI" markalı neftin "Brent"dən 4 dollar aşağı ticarət ediləcəyi gözlənilir.

Analitiklər 2026-cı ildə əlavə tədarük həcmini orta hesabla sutkada 1,3 milyon barel səviyyəsində proqnozlaşdırırlar.

2026-cı il üçün "Brent" markalı neftin qiyməti qlobal bazarda gündəlik 900 min barel profisiti ilə 71 dollar/barel proqnoz edilir.

Ekspertlər hesab edirlər ki, inkişaf etməkdə olan iqtisadiyyatların böyüməsi sayəsində neftə tələbat "növbəti onillikdə" də artmağa davam edəcək. Onların qənaətincə, hava nəqliyyatı və neft-kimya məhsullarının karbondan təmizlənməsi növbəti 10 il ərzində problem olaraq qalacaq.

Adəm Abbaslı