Polis Kürdəmirdə reyd keçirdi, 50-yə yaxın sürücü cəzalandırıldı

Kürdəmirdə avtonəqliyyat vasitələrinə qarşı “Təmiz hava” aylığı çərçivəsində reyd keçrilib.

Rayon Polis Şöbəsinin Yol Polis Bölməsi (RPŞ TPB) əməkdaşları rayonda avtonəqliyyat vasitələrinin təhlükəsiz hərəkətini təmin etmək məqsədilə reydlər keçirir. Əsas məqsəd ətraf mühitin mühafizəsi və təbii ehtiyatlardan səmərəli istifadə edilməsi sahəsində nəzarətin gücləndirilməsindən ibarətdir.

Reyd həm də Daxili İşlər Nazirliyinin Baş Dövlət Yol Polis İdarəsi tərəfindən tədbirlər planınına uyğun olaraq avtonəqliyyat vasitələrindən atılan zərəli tüllantıların atmosferin çirklənməsinin qarşısının alınması və mühərriklərin işlənmiş qazlardan zərərli maddələrin miqdarı normadan artıq olan avtonəqliyyat vasitələrini müəyyən etmək, qanunvericiliyə uyğun olaraq tədbirlər görülməsi məqsədi daşıyır. Reyd zamanı 70 yaxın avtonəqliyat vasitəsi saxlanılıb, onlardan 50-yə yaxın sürücüyə İnzibati Xətalar Məcəlləsinə uyğun olaraq protokollar tətbiq olunub.

Reydlərin Kürdəmir RPŞ YPB-nin əməkdaşları tərəfindən ilin sonuna qədər mütəmadi olaraq keçirilməsi nəzərdə tutulur. (report)