Hadisə
Bankda gördüyü qızı səhər saat 6-da zorla maşına mindirib apardı – TƏFƏRRÜAT - VİDEO
Video əlavə olunub.
xxx
Gəncə Ağır Cinayətlər Məhkəməsində Tərtər rayonunda 20 yaşlı qızın oğurlanması hadisəsi ilə bağlı açılmış cinayət işi üzrə məhkəmə prosesi başa çatıb.
Publika.az xəbər verir ki, hakim Xəqani Səmədovun sədrliyi ilə keçirilən prosesdə Tərtər rayon Seydimli kənd sakinləri, 1991-ci il təvəllüdlü Bəndəliyev Asim Alı oğlu, onun qohumu, 2000-ci il təvəllüdlü Bəndəliyev Əmirqulu Zöhrab oğlu və həmkəndlisi Rzayev Şahlar Maarif oğlu Cinayət Məcəlləsinin 144.2.3-cü (ad oğurluğu – bir qrup şəxs və ya qabaqcadan əlbir olan dəstə tərəfindən törədildikdə) maddəsi ilə ittiham ediliblər.
Məhkəmədə məlum olub ki, Asim bir müddət əvvəl Tərtər şəhərindəki bankda olarkən uzaq qohumunu və onun yanındakı 20 yaşlı qızını görüb. O, həmin qızla evlənmək qərarına gəlib və evə qayıdan kimi anasına bu barədə deyib. Valideynləri bir neçə dəfə qızgilin evinə elçiliyə getsə də, qız və ailəsi bu izdivaca qarşı çıxıb. Bundan sonra Asim qızı oğurlamaq qərarına gəlib. Bu məqsədlə o, əmisi oğlu və dostu Şahlarla birgə plan qurub. Plana əsasən onlar Şahlara məxsus “Moskviç” markalı avtomobillə qızgilin yaşadığı kəndə gediblər. Səhər saat 6 radələrində qızın qoyunları tövlədən çıxardığını bilən Asim buna uyğun olaraq planını həyata keçirib. Aysel (şərti adlı) qoyunları tövlədən çıxaran kimi maşın ona yaxınlaşıb və kənddən bir nəfərin evinin yerini soruşub. Bu zaman onlar hücum çəkərək qızı zorla avtomobilə mindirib aparıblar.
Asim sevdiyi qızı Bərdə rayonuna bacısının evinə aparıb. Lakin qızın kəskin etirazlarını gördükdən sonra o, Ayseli atası evinə qaytarmağa razı olub.
Hadisədən sonra saxlanılan hər 3 şəxs istintaq müddətində polisin nəzarətində olmaqla azadlığa buraxılıblar. Gəncə Ağır Cinayətlər Məhkəməsində keçirilən prosesin yekununda isə onların üçünün də həbs edilməsinə qərar verilib. Asim Bəndalıyev 4, digər 2 nəfər isə 3 il müddətinə azadlıqdan məhrumetmə cəzasına məhkum ediliblər və onlar məhkəmə zalındaca həbs ediliblər.
-
Qoroskop00:30
Günün ulduz falı: sizə mane olmağa çalışan adam qarşınıza çıxarsa...
-
Magazin200:15
Yıldız Tilbe polis maşınını vurdu
-
Nəqliyyat3 May 23:28
Bu yolda sürət həddi endirildi
-
Magazin13 May 23:15
Erməni baş prokurordan Kamil Zeynallı ilə bağlı AÇIQLAMA
-
Sosial3 May 22:14
Tarif Şurasından QƏRAR: Bu tarixdən qüvvəyə minəcək
-
Magazin23 May 21:30
Gənc aktyor evində ölü tapıldı
-
Hadisə3 May 21:10
6 gündür axtarışda olan Nigar tapıldı: Niyə qaçıbmış? - VİDEO
-
Elm və təhsil3 May 20:30
Direktorun səs yazısı yayıldı, uşaq bağçası nəzarətə götürüldü