Azərbaycanda qətl törədən "Hozu"ya hökm oxundu

Samuxda həmkəndlisini qətlə yetirməkdə təqsirləndirilən Vüqar Həsənova hökm oxunub və o, 10 il 6 ay müddətinə azadlıqdan məhrum edilib.

Publika.az">Publika.az xəbər verir ki, bu barədə hökm Gəncə Ağır Cinayətlər Məhkəməsində elan olunub.

Qeyd edək ki, qətl hadisəsi 2021-ci il martın 1-də Samux rayonu Sərkar kəndi ərazisində qeydə alınıb.

Belə ki, kənd sakini, 1991-ci il təvəllüdlü Həsənov Vüqar Adil oğlu həmkəndlisi, 1991-ci il təvəllüdlü Məmmədov Elşən Rövşən oğlu ilə kafedə mübahisə yaranıb. Belə ki, kənddə "Hozu" ləqəbi ilə tanınan Vüqar Həsənov kafedə Elşənə salam verməyib. Elşən Vüqardan ona niyə salam vermədiyini soruşduqda təqsirləndirilən şəxs "mən "bariqa"ya (narkotik satan şəxs) salam vermirəm" deyə cavab verib. Bu zaman baş verən davanı ətrafdakı şəxslər sakitləşdirib. Lakin bir neçə gün sonra Vüqarla Elşən yenidən kənd ərazisində rastlaşıblar. Bu dəfə onların yanında heç kim olmayıb və münaqişə zəminində V.Həsənov həmkəndlisini öldürüb.

Onun barəsində Cinayət Məcəlləsinin 120.1-ci (Qəsdən adam öldürmə) və 228.4-cü (Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə halları istisna olmaqla) maddələri ilə ittiham irəli sürülüb.