Prokurorluq bacı-qardaşın öldürülməsi barədə məlumat yaydı
Bizi izləyin

Hadisə

Prokurorluq bacı-qardaşın öldürülməsi barədə məlumat yaydı

Prokurorluq bacı-qardaşın öldürülməsi barədə məlumat yaydı

Fevralın 6-sı saat 17 radələrində Goranboy rayonu, Qarasüleymanlı kəndi ərazisində kənd sakinləri 1970-ci il təvəllüdlü Pərviz Namazov və bacısı 1960-cı il təvəllüdlü Səlmi Namazovanın öldürülmələri barədə rayon prokurorluğuna məlumat daxil olub.

Publika.az xəbər verir ki, bu barədə prokurorluğun yaydığı açıqlamada bildirilib.

Qeyd edilib ki, aparılmış ilkin araşdırmalarla zərərçəkmişlərin həmkəndlisi, 1965-ci il təvəllüdlü İlham Haqverdiyevin torpaq mübahisəsi iə əlaqədar aralarında yaranmış münaqişə zamanı Pərviz Namazov və Səlmi Namazovaya bıçaqla xəsarətlər yetirərək onları qəsdən öldürməsinə əsaslı şübhələr müəyyən edilib.

Faktla bağlı Goranboy rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanıb.

Hazırda cinayət işi üzrə istintaq tədbirləri davam edir.

İlham Haqverdiyev şübhəli şəxs qismində tutularaq istimtaqa cəlb olunub.

Teqlər
Oxumağa davam et
Reklam
Reklam

Gündəm

Zəfaran Hospital
Səba