Narkotikin təsiri altında maşın sürən daha bir şəxs həbs edildi
Bizi izləyin
Kanon

Hadisə

Narkotikin təsiri altında maşın sürən daha bir şəxs həbs edildi

Lənkəran Şəhər Rayon Polis Şöbəsinin dövlət yol polisi bölməsinin əməkdaşları tərəfindən rayon ərazisində hərəkətdə olan “Vaz 21074” markalı avtomobilin sürücüsü təhlükəsizlik kəmərindən istifadə etmədiyi üçün ona “saxla” işarəsi verilib.

Daxili İşlər Nazirliyinin Mətbuat Xidmətinin Lənkəran regional qrupundan Publika.az-a verilən məlumata görə, nəqliyyat vasitəsi saxlanıldıqdan sonra sürücü, Lənkəran şəhər sakini Əfqan Əsədullayevin narkotik vasitə qəbul etməsinə dair şübhələr yarandığından onun müvafiq tibbi müayinədən keçirilməsi təmin edilib.

Müayinənin nəticəsinə əsasən Ə.Əsədullayevin narkotik vasitədən istifadə etdiyi məlum olub.

Onun barəsində toplanmış materiallar hüquqi qiymət verilməsi üçün Lənkəran Rayon Məhkəməsinə göndərilib. Məhkəmənin qərarı ilə Ə.Əsədullayev 10 gün müddətində inzibati qaydada həbs edilib.

Teqlər
Oxumağa davam et
Reklam
Reklam

Gündəm

Kanon