Bakıda vəzifəli şəxsin maşınının nömrəsi oğurlandı - VİDEO
Bizi izləyin
Aptekonline

Hadisə

Bakıda vəzifəli şəxsin maşınının nömrəsi oğurlandı - VİDEO

Bakının mərkəzində park edilən avtomobilin nömrəsini oğurlayıblar.

Bu barədə Publika.az "Xəzər" TV-yə istinadən xəbər verir.

Məlumata görə, nömrənin qaytarılması üçün maşının sahibindən külli miqdarda pul tələb ediblər.

Hadisə paytaxt sakini, Vəkillər Kollegiyasının üzvü Şahin Rəhimovun başına gəlib.

Onun sözlərinə görə, hadisə paytaxtın Yasamal rayonunda, Şamil Əzizbəyov küçəsində baş verib.

Nömrəni oğurlayan şəxs və ya şəxslərlər tərəfindən avtomobilin üzərinə əlaqə nömrəsi də yazılıb.

Şahin Rəhimov həmin nömrə ilə vatsap üzərindən əlaqə yaradıb. Ondan nömrənin qarşılığında xeyli məbləğdə pul tələb edilib.

Bu barədə polisə məlumat verən Ş.Rəhimov xüsusi əməliyyat vasitəsilə nömrəsinin qaytarıldığını deyir.

Nömrəni gətirən taksi sürücüsü isə Yasamal rayon 27-ci polis bölməsinə dəvət edilib və izahatı alınıb. Hazırda bölmədə hadisəni törədən şəxs və ya şəxslərin axtarışları davam edir.

Daha ətraflı videomaterialda:

Teqlər
Oxumağa davam et
Reklam
Reklam

Gündəm

Aptekonline