Azərbaycanda direktor olmaq istəyən müəllim cinayət qurbanı oldu
Bizi izləyin

Hadisə

Azərbaycanda direktor olmaq istəyən müəllim cinayət qurbanı oldu

Azərbaycanda direktor olmaq istəyən müəllim cinayət qurbanı oldu

Sabirabad rayon Surxayobası kənd tam orta məktəbinin müəllimi Əlifağa Hüseynov dələduzluqla üzləşib.

Publika.az-ın əldə etdiyi məlumata görə, məktəb direktoru olmaq istəyən Ə. Hüseynov Sumqayıtda yaşayan tanışı vasitəsilə Masallı rayon sakini 1986-cı il təvəllüdlü Əkbər Əbilovla tanış olub.

Ə. Əbilov Dövlət İmtahan Mərkəzində tanışlarının olması barədə yalan məlumat verərək imtahandan keçirilməsi üçün Əlifağadan 5 000 manat alıb. O, müəllimin oğlunu da İçərişəhər Mühafizə İdarəsində aylıq 800 manat maaşla işə düzəldəcəyi barədə yalan vəd verərək əlavə 2 500 manat alıb. Lakin Əkbər pulları alaraq özü üçün xərcləyib.

Aldadıldığını görən müəllim başına gələnlərlə bağlı polisə müraciət edib və Əkbər barəsində Cinayət Məcəlləsinin 178-ci, dələduzluq maddəsi ilə iş açılıb.

Şirvan şəhər Məhkəməsinin ötən həftə çıxardığı hökmlə Əkbər 3 il 9 ay müddətinə azadlıqdan məhrumetmə cəzasına məhkum edilib.

Turqut Seyidov

Oxumağa davam et
Reklam
Reklam

Gündəm

Zəfaran Hospital
Səba