Astaradan ACI XƏBƏR: Ölənlərin kimliyi məlum oldu - FOTO/YENİLƏNDİ

Astarada mikroavtobusun aşması nəticəsində ölən şəxslərin kimliyi məlum olub.

Publika.az Teleqraf-a istinadla xəbər verir ki, hadisə nəticəsində 1996-cı il təvəllüdlü Baxşıyeva Əfsanə və 1961-ci il təvəllüdlü Həsənova Səyarə vəfat edib.

xxx

18:24

Astarada mikroavtobus aşıb, ölən və xəsarət alanlar var.

Publika.az Teleqraf-a istinadla xəbər verir ki, hadisə Ələt–Astara magistral yolunun Astara rayonunun Təngərüd kəndi ərazisindən keçən hissəsində baş verib.

İlkin məlumata görə, Astara–Lənkəran marşrut xətti üzrə hərəkətdə olan “Mercedes Sprinter” markalı mikroavtobusun sürücüsü idarəetməni itirib. Nəticədə nəqliyyat vasitəsi yoldan çıxaraq elektrik dirəyinə çırpılıb və aşıb.

Qəza zamanı mikroavtobusda olan sərnişinlərdən bəziləri müxtəlif dərəcəli bədən xəsarətləri alıb, ölənlərin olduğu bildirilir. Yaralılar təcili tibbi yardım briqadaları tərəfindən aidiyyəti üzrə xəstəxanaya yerləşdirilib.

Faktla bağlı araşdırma aparılır. Əlavə məlumat veriləcək.

Qəzaya düşənlərin toy məclisinə getdikləri bildirilir.