Yevlaxda məktəbli qızla münasibət quran gənc həbs edildi: “Videonu yaymayacaqdım" - TƏFƏRRÜAT

Yevlax rayonunda 19 yaşlı oğlan yetkinlik yaşına çatmayan qıza intim hərəkətlər etməkdə ittiham olunub.

Publika.az Teleqraf-a istinadla xəbər verir ki, 2007-ci il təvəllüdlü Sərxan ötən il sentyabrın əvvəllərində Yevlax şəhərində “Dədə Qorqud" parkında gəzərkən yetkinlik yaşına çatmayan Zülfiyyə (adlar şərti verilib – red.) ilə qarşılaşıb.

Sərxandan xoşu gələn qız anasının istifadəsində olan mobil telefon nömrəsini yaxın rəfiqəsi vasitəsilə ona göndərib. Sərxan sentyabrın 10-da votsap vasitəsilə Zülfiyyəyə qısa mesaj göndərdib.

Bundan sonra mütəmadi olaraq votsap vasitəsilə bir-birilərinə mesajlar göndərməklə və səsli danışmaqla əlaqə saxlayıblar. Onların arasında sevgi münasibətləri yaranıb. Birinci dəfə Yevlax şəhəri ərazisində görüşüblər. Söhbət zamanı növbəti gün oğlanın yaşadığı mənzildə görüşmək, seksual xarakterli hərəkətlər etmək barədə razılaşıblar.

Axşam saatlarında görüşəcəklərini bir daha qarşılıqlı olaraq qətiləşdiriblər.

Növbəti gün saat 17 radələrində Sərxan Zülfiyyə ilə yaşadığı binanın yaxınlığında görüşüb və birlikdə ona məxsus mənzilə gəliblər. Sərxan seksual hərəkətləri videoya çəkmək üçün qızdan razılıq alıb. Zülfiyyəni çarpayıya uzadaraq intim hərəkətlər edib və mobil telefon vasitəsi ilə videoçəkiliş aparıb.

İstintaq orqanı tərəfindən Sərxanın barəsində Cinayət Məcəlləsinin 152.1-ci (on dörd yaşına çatmış, lakin on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.

Məhkəmə iclasında ifadə verən Sərxan elan olunmuş ittiham üzrə özünü təqsirli bilib. O, ibtidai istintaq zamanı verdiyi ifadəsini təsdiq edib, təqsirini etiraf etdiyini bildirib. Əlavə olaraq Zülfiyyə ilə parkda tanış olduğunu, sonra üç-dörd dəfə görüşdüyünü, bir dəfə seksual xarakterli hərəkətlər etdiklərini, yola getmədiklərinə görə ayrıldıqlarını deyib.

Sərxan bildirib ki, zərərçəkmiş şəxslə barışıb, əməlindən səmimi peşman olub, qızın ondan şikayəti yoxdur.

O, ibtidai istintaq zamanı verdiyi ifadəsində göstərib ki, 2025-ci ilin sentyabr ayında tanışı Elçin ona Zülfiyyə adlı qızın ondan xoşu gəldiyini, danışmaq istədiyini deyib: “Elçindən Zülfiyyənin kimliyi barədə soruşdum, “Dədə Qorqud” parkında tanışı Nərminlə gəzən zaman onu gördüyünü söylədi. Zülfiyyənin istifadəsində olan mobil nömrəni istədim. Elçin rəfiqəsi Nərmindən Zülfiyyənin nömrəsini öyrənərək mənə dedi.

Ona votsap vasitəsi ilə ismarıc yazdım. Sonra istifadəmdə olan digər iki nömrəni də ona verdim. Söhbətlərimiz davam etdi, aramızda sevgi və intim söhbətlər oldu. Münasibətlərimiz ciddiləşdi və bir-birimizi sevdik”.

Sərxan qeyd edib ki, bütün danışıqlardan sonra birinci dəfə Zülfiyyə ilə təhsil aldığı orta məktəbin qarşısında üzbəüz görüşüb, təxminən 15-20 dəqiqə söhbət edərək ayrılıblar: “Razılaşdıq ki, anam olmayanda bizim evdə görüşüb intim əlaqədə olaq. Planlaşdırdığımız kimi səhəri gün, yəni sentyabrın 17-də saat 17 radələrində yaşadığım binanın yaxınlığında görüşüb bizim mənzilə getdik. İçəri daxil olduqdan sonra Zülfiyyənin xahişi ilə qapını açarla bağladım, sonra pəncərənin pərdəsini örtdüm. Otaqdakı iki taxtlı çarpayının üzərində əyləşdik, söhbət edə-edə seksual hərəkətlər etməyə başladıq. Bundan sonra könüllü olaraq digər intim hərəkətlər etdik. Cinsi əlaqədə olmağımızı kamera ilə çəkməyi təklif etdim. Zülfiyyə də razılaşdı”.

Təqsirləndirilən şəxs deyib ki, Zülfiyyə səs salmaq istəyib, qonşuların eşidə biləcəkləri səbəbindən səs salmamasını xahiş edib: “O, bakirəliyini pozmağımı istədi, mən razılaşmadım. Seksual hərəkətlərimizi başa çatdırdıqdan sonra bir qədər söhbət elədik. Oral yolla intim hərəkətlər də etdik, bunu da videoya çəkməyi təklif etdim. Qız yenə etiraz etmədi. Sonra isə Zülfiyyə mobil telefonunun kamerasının obyektivinə baxaraq ünvanıma söyüş söydü, videonu yaymamağımı xahiş etdi”.

Təqsirləndirilən şəxs deyib ki, daha sonra Zülfiyyəni evlərinə yola salıb: “Sonradan onunla yenidən intim və sevgi məzmununda yazışmağa davam etdik. Bir müddət sonra polis şöbəsinə çağırıldığım üçün mobil telefonumu anama verdim və şöbəyə getdim. Dindirilmə zamanı görüntünün yayılmaması üçün telefonumun sındığını dedim. Amma anam mobil telefonu istintaqa təqdim etdi, yazışmalar, videolar üzə çıxdı”.

İş üzrə zərərçəkmiş Zülfiyyənin sözlərinə görə, təqsirləndirilən şəxslə barışıb və onu bağışlayıb: “Ondan heç bir şikayətim yoxdur. Psixoloji və digər xəstəliyim olmayıb. Mənə hədə-qorxu və hər hansı təzyiq göstərilməyib”.

İş üzrə şahid qismində ifadə verən Sərxanın anası qeyd edib ki, hadisədən sonra xəbər tutub: “Övladım bu günə kimi heç bir qanun pozuntusuna yol verməyib. Tələbədir, seçilmiş həbs qətimkan tədbirinə görə təhsildən geri qalıb. Mən 22 il iş təcrübəsi olan müəlliməm, övladımı cəmiyyətə hörmət ruhunda böyütmüşəm. Bir ana kimi deyim ki, övladım əməlindən səmimi peşman olub və təhsilini davam etdirmək istəyir. Tək anayam, yeganə övladım Sərxandır”.

Yevlax Rayon Məhkəməsinin hökmü ilə Sərxan 10 ay müddətə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.