Xaçmazda iş adamının başını kəsdilər (YENİLƏNİB)

Xaçmaz rayonunda dəhşətli qətl hadisəsi baş verib.

AzNews.az xəbər verir ki, hadisə bu gecə Xaçmaz bazarı yaxınlığında yerləşən evlərdən birində qeydə alınıb. Belə ki, öz həyətində topdansatışla məşğul olan İlqar adlı rayon sakinin evinə naməlum şəxslər girib. Sözügedən şəxslər əvvəlcə həyətdəki iti öldürüblər. Daha sonra isə İlqarın başını kəsiblər.

Xaçmaz rayon prokurorluğundan faktı təsdiqləyiblər. Bildiriblər ki, hazırda hadisəylə bağlı araşdırma gedir. Ətraflı məlumat veriləcək.

AzNews.az-ın əldə etdiyi məlumata görə, bu vaxta kimi İlqarın həyətinə bir neçə dəfə oğrular girib. Onun həyətində it saxlamasına da səbəb oğruların tez-tez basqın etməsi olub.

***

10:00

Xaçmaz rayonunda qətl hadisəsi baş verib.

APA-nın şimal bürosunun məlumatına görə, Xaçmaz şəhər Mirzə Fətəli Axundov küçəsində yaşayan 1963-cü il təvəllüdlü Məmmədov İlqar Rüstəm oğlu yaşadığı evdə qətlə yetirilib.

Hazırda hadisə yerində hüquq mühafizə orqanlarının əməkdaşları çalışır.

İ. Məmmədov ticarət mallarının topdan satışı ilə məşğul olub.

Faktla bağlı Xaçmaz rayon Prokurorluğunda araşdırmalar davam etdirilir.