• USD 1,7000 0,00% EUR 2,0647 0,00%
    • GBP 2,2864 0,00% RUB 0,0228 0,00%

Praqada Azərbaycanı kimlər təmsil edəcək?

  • İdman
  • 17 Noyabr 2015 17:38
  • 589 Baxış
Praqada Azərbaycanı kimlər təmsil edəcək?

Azərbaycan nümayəndə heyəti Avropa Olimpiya Komitələrinin (EOC) noyabrın 18-də Çexiyanın paytaxtı Praqada işə başlayacaq 44-cü Baş Assambleyasına qatılacaq.

Milli Olimpiya Komitəsindən (MOK) Publika.az-a verilən məlumata görə, 3 gün davam edəcək assambleyada gənclər və idman naziri Azad Rəhimov, MOK-un vitse-prezidenti Çingiz Hüseynzadə və Beynəlxalq Əlaqələr İdarəsinin rəisi Könül Nurullayeva iştirak edəcək.

EOC İcraiyyə Komitəsinin üzvü olan Ç.Hüseynzadə adı çəkilən təşkilatın 4-cü iclasında da iştirak edəcək. Həmçinin tədbir çərçivəsində EOC-un "İdmanda Qadın və Bərabərlik" Komissiyasının üzvü olan K.Nurullayevanın da iştirakı nəzərdə tutulub.

2016-cı il Rio de Janeyro Yay Olimpiya Oyunları və 2018-ci il Pxençxan Qış Olimpiya Oyunlarının Təşkilat Komitələrinin hesabat çıxışları gündəlikdə olan məsələlər sırasındadır. Yeniyetmələr arasında 2016-cı ildə Lillehhammerdə keçiriləcək Qış Olimpiya Oyunları da müzakirə olunacaq. Həmçinin 2021-ci ildə keçiriləcək Avropa Yeniyetmələrinin Olimpiya Festivalına namizəd ölkələrin siyahısı açıqlanacaq.

Qeyd edək ki, Avropa Olimpiya Komitəsinin 45-ci Baş Assambleyasının keçiriləcəyi ölkənin adı tədbirdə açıqlanacaq.

Halal Nemət

Xəbər lenti

DAHA ÇOX XƏBƏR