AFFA-nın iclasının nəticələri bəlli oldu

Bu gün AFFA-nın İcraiyyə Komitəsinin növbəti iclası keçirilib.

Aassosiasiyanın inzibati binasında keçirilən tədbirdə komitə üzvü Qurban Qurbanovun qısa hesabatı dinlənilib.

Aparılmış müzakirələrdən sonra aşağıdakı qərarlar qəbul edilib:

Topaz Premyer Liqası klublarının əvəzedici komandaları arasında keçirilən çempionat davam etdirilsin. 2018/2019-cu il mövsümündən etibarən əvəzedici komandanın oyunu əsas komandanın oyunundan 1 gün əvvəl keçirilsin.

Topaz Premyer Liqasında gənc futbolçularla bağlı limit aşağıdakı qaydada tətbiq olunsun: 1996-1997-ci il təvəllüdlü futbolçu start heyətinə, 1998-99-cu il təvəllüdlü futbolçu oyunun protokoluna daxil olunsun.

AFFA-nın baş katibliyi Birinci Divizionla bağlı İcraiyyə Komitəsinə yeni konsepsiya təqdim etsin.

AFFA-nın Apellyasiya və Arbitraj Tribunalının sədri Muxtar Babayevin istefası qəbul olunsun. AFFA-nın növbəti Konfransına qədər Apellyasiya və Arbitraj Tribunalının sədri vəzifəsi Ziya Babayevə həvalə olunsun. (qaol.az)