İdman

Misir Ramosa 1 milyardlıq təzminat davası açdı

29 May 2018 15:15

Çempionlar Liqasının finalında “Real”ın oyunçusu Serxio Ramosla mübarizə zamanı çiynindən zədə alan “Liverpul”un ulduzu Məhəmməd Salah Misirdə gündəmdən düşmür.

Publika.az xəbər verir ki, misirli vəkil Basem Vəhba Salahı zədələyən Ramosa 1 milyard avroluq təzminat davası açıb.

Vəkil buna səbəb olaraq Dünya Çempionatından öncə Salahı zədələyən Ramosun Misir xalqına zərər verdiyini göstərib. O, Ramosu fiziki və psixoloji təzyiq etməkdə günühlandırıb və FİFA-ya şikayət edib.

Qeyud edək ki, 26 mayda baş tutan final görüşündə Məhəmməd Salahla Serxio Ramos təkbətək mübarizədə yerə yıxılmış, çiyni üzərinə düşən Salah zədələnərək oyunun 31-ci dəqiqəsində göz yaşları içində meydanə tərk etmişdi.

Zümrüd