Trampın idmançılara verdiyi yemək hər kəsi şoka saldı: "Pulunu özüm ödəmişəm"

ABŞ prezidenti Donald Tramp Kollec liqası çempionu olan “Clemson Tigers” komandasını Ağ Evdə qonaq edib.

Publika.az xəbər verir ki, prezidentin idmançılar üçün açdığı süfrədəki təamlar onları şoka salıb.

Belə ki, ziyafətdə yalnız fəst-fud yeməkləri verilib. Buna səbəb isə hökuməti qapalı olan Ağ Evin digər işçilərinin də məzuniyyətə göndərilməsi olub. Tramp da qonaqlarına restoran yeməkləri: pizza, hamburqer, kartof qızartması verməyə məcbur olub. Prezident ziyafətdə “möhtəşəm Amerikan yeməkləri” adlandırdığı fəst-fudları təqdim edərkən onların pulunu özünün ödədiyini də vurğulamağı unutmayıb.

Tədbirdən öncə jurnalistlərə açıqlama verən Tramp yemək seçiminin bir uğur olduğunu, çünki komandanın yeməyi çox sevən böyük insanlardan ibarət olduğunu bildirib.

Qeyd edək ki, ABŞ-da ölkə büdcəsinin müzakirəsi zamanı yaranan gərginlik və anlaşmazlıq səbəbilə 2019-cu ilin büdcəsi təsdiq edilməyib və federal hökumət bağlanıb. Bu səbəbdən bir çox məmur və Ağ Ev işçilərinin əksəriyyəti məzuniyyətə çıxıb.

Zümrüd