• USD 1,7000 0,00% EUR 1,9208 0,00%
    • GBP 2,2592 0,00% RUB 0,0230 0,00%

“Qalatasaray” növbəti mərhələyə vəsiqə qazandı

  • İdman
  • 26 Noyabr 2021 01:41
  • 588 Baxış
“Qalatasaray” növbəti mərhələyə vəsiqə qazandı

UEFA Avropa Liqasının qrup mərhələsində V turun növbəti oyunları keçirilib.

Publika.az xəbər verir ki, Türkiyə təmsilçilərindən "Qalatasaray" Fransanın "Marsel" klubunu qəbul edib. Görüş meydan sahiblərinin inamlı qələbəsi ilə yekunlaşıb - 4:2.

Hesabı 12-ci dəqiqədə "sarı-qırmızılar"ın rumıniyalı legioneri Aleksandru Çikıldeu açıb. Qarşılaşmanın 30-cu dəqiqəsində Due Çaleta-Tsar topu öz qapısına vurub. Oyunun 64-cü dəqiqəsində Sofyan Fequli fərqi 3 topa çatdırıb.

Göprüşün 68-ci dəqiqəsində "Marsel" penalti vurmaq hüququ qazanıb. Arkadiuş Milikin 11 metrlik cərimə zərbəsini qapıçı Fernando Muslera qaytarsa da, polşalı hücumçu təkrar zərbə ilə fərqi azaldıb. Lakin 83-cü dəqiqədə Rayan Babel "Qalatasaray"ın aktivinə 4-cü qolu yazdırıb. Oyunda son nöqtəni isə 85-ci dəqiqədə yenidən Milik qoyub.

E qrupunun digər matçında İtaliyanın "Latsio" klubu səfərdə Rusiyanın "Lokomotiv" komandasından üstün olub - 3:0. Bununla da İstanbul və Roma təmsilçiləri qrupda ilk iki yeri təmin edərək, növbəti mərhələyə yüksəlib.

Eyni zamanda Almaniyanın "Bayer" və İspaniyanın "Betis" klubu da yenicə başa çatan oyunların yekununda UEFA Avropa Liqasında mərhələ adlayıb.

Halal Nemət

Xəbər lenti

DAHA ÇOX XƏBƏR