İdman

Üzgüçümüz beynəlxalq turnirdə 3-cü oldu

30 Aprel 2022 09:13

Üzgüçülük üzrə Azərbaycan milli komandasının üzvü Məryəm Şeyxəlizadəxangah Çexiyanın Ostrava şəhərində keçirilən üzgüçülük növü üzrə Beynəlxalq turnirdə 3 cü yerə sahib olub, bürünc medal qazanıb.

Publika.az">Publika.az xəbər verir ki, Azərbaycan Üzgüçülük Federasiyandan verilən məlumata görə ilkin mərhələdə 96 idmançı arasında finala vəsiqə qazanan Məryəm 50 metr sərbəst üsulda 26.83 nəticə ilə güclülər sırasında ilk üçlükdə yer ala bilib. Üzgüçülük üzrə milli komandanın baş məşqçisi Rəşad Əbdürəhmanovun sözlərinə görə Məryəm Şeyxəlizadəxangahın 50 metr sərbəst üsulda 26.83 nəticəsi ölkə və həm də şəxsi rekordudur:

“Komanda yarışlara ciddi hazırlaşır. Məryəmin çıxışında lisenziya normativi üçün çöx cüzi vaxt çatışmamazlığı oldu. Ümidvarıq ki, növbəti yarışlarda o dünya çempionatına vəsiqə qazana biləcək” deyə baş məşqçi əlavə edib.