Mahir Emreli yenidən zədələndi
Bizi izləyin
Aptekonline

İdman

Mahir Emreli yenidən zədələndi

Mahir Emreli yenidən zədələndi

Xorvatiyanın "Dinamo" (Zaqreb) klubunda çıxış edən Azərbaycan millisinin futbolçusu Mahir Emreli yenidən sıradan çıxıb.

Publika.az xəbər verir ki, 25 yaşlı hücumçu evdə "İstra 1961" 4:1 hesabı ilə məğlub etdikləri ölkə çempionatının III tur matçından sonra əvvəlki zədəsini yeniləyib.

Belində ağrılar hiss edən forvard Bolqarıstanda "Lüdoqorets"lə oynanılacaq UEFA Çempionlar Liqasının III təsnifat mərhələsinin ilk görüşünü buraxacaq. Onun yaşıl meydanlardan hansı müddətə kənarda qalacağı müayinələrdən sonra bəlli olacaq.

"Lüdoqorets" - "Dinamo" oyunu avqustun 2-də gerçəkləşəcək.

Qeyd edək ki, zədədən yenicə qayıdan Mahir Emreli "İstra 1961"lə matçın 81-ci dəqiqəsində meydana çıxıb və 7 dəqiqə sonra fərqlənərək, görüşdə son nöqtəni qoyub.

Teqlər
Oxumağa davam et
Reklam
Reklam

Gündəm

Aptekonline