İdman

Ronaldonun yerinə onu gətirirlər

6 Noyabr 2022 10:21

"Zaltsburq"un hücumçusu Benyamin Şeşko 2023-cü ilin yayında “ Leyptsiq”ə keçəcək.

Publika.az “The Telegraph”a istinadla xəbər verir ki, hadisələrin axarı başqa variantda cərəyan edə, Benyamin “Mançester Yunayted”də peyda ola bilər.

Məlumata görə, "Mançester Yunayted" sloveniyalı hücumçunu klubla müqaviləsi başa çatmaqda olan Kriştiano Ronaldonun əvəzləyicisi kimi nəzərdən keçirir.

Məsələ burasındadır ki, 19 yaşlı Şeşkonun "Leyptsiq"ə transferi artıq razılaşdırılıb, müqavilə iyulun 1-dən qüvvəyə minəcək. “Mançester Yunayted” rəhbərliyinin bu keçidi necə reallaşdıracağı maraq doğurur. İddia olunur ki, “qırmızı şeytanlar” onu icarəyə götürəcək, futbolçu özünü doğrulda bilsə, bir ildən sonra müqavilə hüququnu alacaqlar.

Benjamin bu mövsüm 24 oyunda 6 qol vurub və 2 məhsuldar ötürmə edib.

Ronaldonun “Mançester Yunayted”lə müqaviləsi cari mövsümün sonunda başa çatır.

Teqlər Kriştiano Ronaldo