Ərəb şeyxindən Messi ilə Ronaldoya 3 milyon avroluq təklif
Bizi izləyin

İdman

Ərəb şeyxindən Messi ilə Ronaldoya 3 milyon avroluq təklif

Səudiyyəli iş adamı "Əl-Nasr", "Əl-Hilal" və "Paris Saint-Germain" komandaları arasında keçiriləcək futbol matçının bileti üçün keçirilən hərracada liderlik edir.

Publika.az xəbər verir ki, bu barədə Səudiyyə Ərəbistanı hökumətinin əyləncə şöbəsinin rəhbəri Müşref Əl-Qəmdi öz Tviter səhifəsində məlumat verib.

Qeyd olunub ki, iş adamı bilet üçün 2,66 milyon avro təklif edir. Bu bilet sahibinə matçın qaliblərinin mükafatlandırma mərasimində iştirak etmək, həmçinin paltardəyişmə otaqlarına getmək və oyunçularla söhbət etmək imkanı verəcək. Görüş yanvarın 19-da Ər-Riyadda baş tutacaq. Portuqaliyalı hücumçu Kriştiano Ronaldo Səudiyyə Ərəbistanı yığmasında, Lionel Messi isə PSJ-də çıxış edəcək.

Məlumat üçün bildirək ki, Lionel Messinin atası və agenti Xorxe Messi oğlunun mümkün transferi ilə bağlı Səudiyyə Ərəbistanının “Əl-Hilal” klubu ilə danışıqlar aparıldığı bildirib.

Xatırladaq ki, Ronaldo “Əl-Hilal”ın əsas rəqibi “Əl Nəsr”lə müqavilə bağlayıb. Ölkə rəhbərliyi ümid edir ki, argentinalının transferi də baş tutacaq və bu, səudiyyəlilərin 2030-cu ildə dünya çempionatına ev sahibliyi etmək şanslarını artıracaq.

Aytən Məftun

Oxumağa davam et
Reklam
Reklam

Gündəm