Qalmaqal böyüyür: Daha iki qız peyda oldu və bildirdilər ki...

"Mançester Yunayted"in və Braziliya millisinin futbolçusu Antoni daha iki qıza qarşı zorakılıq iddiaları ilə üzləşib.

Publika.az xəbər verir ki, Raysa de Freytas və İnqrid Lana futbolçunun keçmiş sevgilisi Qabriela Kavallindən nümunə götürərək ona qarşı ittiham irəli sürüblər.

İnfluencer və hüquq tələbəsi Ryisa de Fryitas, keçən ilin may ayında Antoni və bir qadının hücumuna məruz qaldıqdan sonra xəsarət aldığını iddia edir. O, xəstəxanada müalicə almalı olub.

Bankir İnqrid Lana isə öz növbəsində bildirib ki, Antoni zorla onunla cinsi əlaqədə olmağa çalışıb.

Lana iddia edir ki, Antoni onu evinə dəvət edib və itələyərək başını divara vurub. “Mənimlə cinsi əlaqədə olmağa çalışdı, amma istəmədim. Məni itələdi və başımı divara vurdu. Məqsədim sadəcə biznes idi. Amma onun dəvəti ilə yanına gələndə anladım ki, gizli niyyətləri var”, – İnqrid televiziyaya müsahibəsində deyib.

“Antoni ona qarşı irəli sürülən ittihamları qəti şəkildə rədd edir, “Mançester Yunayted” isə şərh verməkdən imtina edib”, - “Telegraph Sport” yazır.