Hansı döyüş Taysona 100 milyondan çox qazandırıb?

Keçmiş mütləq dünya çempionu Mayk Tayson (50-6, 44 KO) hazırda aktiv şəkildə boks karyerası ilə məşğul olan bloger Ceyk Pol (9-1, 6 KO) ilə rinqə çıxacaq.

Publika.az xəbər verir ki, döyüş 2024-cü il noyabrın 15-nə təyin edilib. Mayk Tayson bu görüşdə iştiraka görə təxminən 20 milyon dollar qazanacaq.

Şou xarakterli qarşıdurma ərəfəsində “The Sportster” portalı “Dəmir Mayk”ın ən çox pul qazandığı 10 ən yaxşı döyüşün siyahısını dərc edib. Mayk 2003-cü ildə Lennoks Lyuisə qarşı döyüşə görə rekord qonorar alıb – 103 milyon dollar. Holifildə qarşı möhtəşəm görüşlər isə Mayka 30 milyon qazandırıb.

Mayk Taysonun 10 ən çox pul qazandıran döyüş:
Lennoks Lyuis – 103 milyon dollar
Evander Holifild (2) – 30 milyon dollar
Evander Holyfield (1) – 30 milyon dollar
Bryus Seldon – 30 milyon dollar
Frank Bruno (2) – 30 milyon dollar
Pitir MakNiili – 25 milyon dollar
Maykl Spinks: – 22 milyon dollar
Andrjey Qolotaya – 10 milyon dollar
Fransoys Bota – 10 milyon dollar
Roy Cons Junior – 10 milyon dollar