İdman

Məşhur atlet arvadına qarşı zorakılıq edirmiş - Həbs olundu

7 Yanvar 2025 05:15

29 yaşlı amerikalı yüngül atlet Fred Kerli polis əməkdaşı ilə dava etdikdən sonra Mayamidə saxlanılıb.

Publika.az xəbər verir ki, “SkySport”un məlumatına görə, hüquq-mühafizə orqanlarının əməkdaşları Kerlini məişət zorakılığı şübhəsi ilə saxlamağa gəliblər. Məşhur idmançını bunda həyat yoldaşı ittiham edib və o, may ayından bəri əri tərəfindən məişət zorakılığının qurbanı olduğunu bildirib.

Fred həyat yoldaşını fiziki və iqtisadi cəhətdən təhqir edirmiş.

Əvvəlcə Kerli 12 min 500 dollar girov hüququ ilə saxlanılsa da, bütün hallar aydınlaşdıqdan sonra idmançı işə məhkəmədə baxılana qədər həbsdə qalıb.

Fred Olimpiya mükafatçısıdır. 2020-ci ildə Tokio Oyunlarında 100 metr məsafəyə qaçışda gümüş, Parisdə isə bürünc medal qazanıb.