Juninyonu yoldan çıxaran kimdir? - Detallar ortaya çıxdı

“Qarabağ”ın futbolçusu Juninyo “Sevilya”ya keçmək fikrindən daşınıb.

Publika.az xəbər verir ki, bu barədə “Uol.com” məlumat yayıb.

Bildirilir ki, o, “Flamenqo” komandasının baş məşqçisi Felipe Luislə danışdıqdan sonra İspaniya təmsilçisinə transfer olunmaqdan imtina edib. Nəticədə Braziliyanın köklü klubu Ağdam klubuna və 28 yaşlı hücumçuya yeni təklif göndərib.

Qeyd edək ki, Felipe Luis Braziliya millisinin sabiq üzvlərindəndir. Keçmiş futbolçu “Atletiko”, “Çelsi”, “Deportivo”, “Ayaks” kimi klublarda çıxış edib. Sabiq ulduz ölkəsində sadəcə 2 klubda çıxış edib. “Fiqueyrenşe”də karyerasına başlayıb, “Flamenqo” isə çıxış etdiyi son klub olub.

Futbolçu kimi klub karyerasında La Liqanın, İspaniya kubokunun, İngiltərə Premyer Liqasının, Liqa kubokunun, UEFA Avropa Liqasının (2 dəfə), UEFA Superkubokunun (2 dəfə), Braziliya A seriyasının (2 dəfə), ölkə kubokunun, superkubokunun (2 dəfə), Libartadores (2 dəfə) və Sudamerikana kubokunun qalibi olub. Braziliya millisi ilə 2019-cu ildə Amerika kubokunun, Konfederasiyalar kubokunun qalibi olub.

Heybət