Vanda Naranın qalmaqallı VİDEOSU yayıldı: İkardinin sabiq komanda yoldaşının qucağında...

"Qalatasaray"ın ulduz futbolçusu Mauro İkardi ilə boşanmaq ərəfəsində olan Vanda Nara yenidən gündəmə gəlib.

Publika.az xəbər verir ki, onunla bağlı söz-söhbətlər səngimək bilmir. Bu dəfə sosial şəbəkələrə sızan bir videoda onun "Roma"nın futbolçusu Leandro Paredesin qucağında hovuzda vaxt keçirdiyi əks olunub.

Bu gönderiyi Instagram'da gör

El Impacto (@elimpactocom)'in paylaştığı bir gönderi

Sensasiyaya səbəb olan görüntülərdə Paredesin Vandanı tutduğu və onların birlikdə güldüyü, oynadığı, suya tullandığı görünür. Bu an tez bir zamanda yayılaraq müzakirələr dalğasına səbəb olub. Bu hekayənin ən maraqlı tərəfi Paredesin həyat yoldaşı və iki övladının olmasıdır.

Vanda artıq video ilə bağlı açıqlama verib. Model AS-a müsahibəsində bu görüntülərin köhnə hekayənin bir parçası olduğunu iddia edir. Onun sözlərinə görə, həmin vaxt İkardi və Parades PSJ-də birlikdə çıxış edib. Video da 2020-ci ilə aiddir.

Nara hadisəni ona qarşı manipulyasiya və zorakılıq kampaniyası adlandırır. Videonun Paredesin həyat yoldaşının özü tərəfindən normal dostluq münasibəti kontekstində lentə alındığını iddia edir. Bu suallar Vandaya Avropada qısamüddətli istirahətdən sonra qayıtdığı Buenos-Ayres hava limanında verilib. O, videonun sensasiyalı olmadığını, sadəcə onun Parisdə yaşadığı dövrün xatirəsi olduğunu və onların arasında heç vaxt romantik münasibət yaşanmadığını vurğulayıb.

Xatırladaq ki, PSJ-nin Çempionlar Liqasında tarixi qələbəsindən sonra Vanda Nara səs-küylü xəbərlərlə gündəmə gəlib. 38 yaşlı modelin parislilərin ulduz futbolçusu Əşrəf Hakimi ilə birlikdə gecə keçirdiyi iddia olunur.

Publika.az