İdman

Bu qalmaqal UEFA-nı qorxudub: Qaydalara yenidən baxılacaq

13 Oktyabr 2025 22:40

UEFA bu yay “Kristal Pelas” qalmaqalından sonra klublara sahiblik və onların avrokuboklara çıxışını tənzimləyən qaydalara yenidən baxmağı planlaşdırır.

Publika.az xəbər verir ki, bu barədə “The Guardian” məlumat verib.

Belə ki, məmurlar hüquqi məsələlərin həlli üçün müddəti uzatmağı və sənədlərin martın 1-i deyil, mövsümün sonuna qədər verilməsini planlaşdırır.

Bununla belə, oxşar problemi olan klub hələ də martın 1-dək UEFA qarşısında məsələ qaldırmalıdır.

Xatırladaq ki, “Kristal Pelas”ın Avropa Liqasından kənarda qalmasına səbəb UEFA qaydalarına görə bir nəfərə məxsus klubların avrokuboklarda iştirakına icazə verməməsi və “Lion”un sahibi Con Tekstorun “Pelas”da da pay sahibi olması olub.

Daha sonra Tekstor İngiltərə klubundakı payını satsa da, bu, UEFA-nın qərarına təsir etmədi. “Kristal Pelas” Konfrans Liqasına göndərildi, onların yerini “Nottingem Forest” tutdu.