2025-ci ilin simvolik komandası: 26 namizəd bəlli oldu - FOTO

Beynəlxalq Peşəkar Futbolçular Assosiasiyaları Federasiyası (FIFPro ) 2025-ci ilin simvolik komandasına daxil olmaq üçün namizədlərin adlarını açıqlayıb.

Publika.az xəbər verir ki, siyahıda 26 futbolçu yer alıb.

Bu barədə FIFPro-nun mətbuat xidməti məlumat yayıb.

Namizədlərin siyahısı:

Qapıçılar: Canluici Donnarumma (İtaliya, Mançester Siti), Alisson Bekker (Braziliya, Liverpul), Tibo Kurtua (Belçika, Real).

Müdafiəçilər: Trent Alexander-Arnold (İngiltərə, Real Madrid), Pau Kubarsi (İspaniya, Barselona), Əşrəf Hakimi (Mərakeş, PSJ), Markinyos (Braziliya, PSJ), Nuno Mendes (Portuqaliya, PSJ), Uilyam Saliba (Fransa, Arsenal), Vircil van Deyk (Niderland, Liverpul).

Yarımmüdafiəçilər: Cud Bellinqem (İngiltərə, Real Madrid), Kevin De Bruyne (Belçika, Napoli), Luka Modriç (Xorvatiya, Milan), Joao Neves (Portuqaliya, PSJ), Koul Palmer (İngiltərə, Çelsi), Pedri (İspaniya, Barselona), Federiko Valverde (Uruqvay, Real Madrid), Vitinya (Poprtuqaliya, PSJ).

Hücumçular: Usman Dembele (Fransa, PSJ), Erlinq Haaland (Norveç, Mançester Siti), Kilian Mbappe (Fransa, Real Madrid), Lionel Messi (Argentina, İnter Mayami), Rafinya (Braziliya, Barselona), Kriştiano Ronaldo (Portuqaliya, Əl-Nəsr), Məhəmməd Salah (Misir, Liverpul), Lamin Yamal (İspaniya, Barselona).

Simvolik komanda 68 ölkədən 26 min peşəkar oyunçunun səsverməsi ilə müəyyənləşəcək. Səsvermənin nəticələri bu il noyabrın 3-də ertəsi elan ediləcək.