VAR hakimlərinin səlahiyyəti artırılır?

Futbol tənzimləyiciləri hakimlərin VAR səlahiyyətlərini genişləndirmə imkanlarını müzakirə edirlər.

Publika.az "The Athletic"ə istinadən xəbər verir ki, müzakirə olunan məsələlərdən biri VAR-ın səhv göstərilən sarı kart hallarında oyuna müdaxilə edə bilməsi ilə bağlıdır.

Bundan başqa, Beynəlxalq Futbol Assosiasiyası (IFAB) və Futbol və Texniki Məsləhətçi Qrupu iclasında qapı vuruşu və ya kənar top zamanı topu saxlama ilə bağlı cəzaların təkrarlanması barədə fikir müzakirə olunub. Qapıçının topu əlində saxlama müddəti əvvəllər olduğu kimi maksimum 8 saniyə olmalıdır. Bu qaydanın pozulması halında korner təyin olunmalıdır.

İclasda həmçinin zədələr və əvəzetmələr səbəbindən itirilən vaxtın daha düzgün əlavə olunması və “millimetr” ofsayd hallarının azaldılaraq hücum futbolunun təşviq olunması məsələləri müzakirə olunub.

Hazırda bütün müzakirə olunan təkliflər tövsiyə xarakterlidir və IFAB-ın yanvarın 20-də baş tutacaq illik toplantısında rəsmi şəkildə nəzərdən keçiriləcək.

Heybət