Üçqat Olimpiya çempionu helikopter pilotu oldu

Üçqat Olimpiya çempionu olan isveçli Markus Hellner peşəkar karyerasını başa vurduqdan sonra özünü biznes sahəsində tapıb

Publika.az xəbər verir ki, keçmiş xizəkçi yerli mətbuata açıqlamasında hazırda geyim brendinin yaradıcısı, eyni zamanda helikopter pilotu olduğunu bildirib.

“Bu, yeni bir həyatdır. İndi helikopter idarə edirəm və geyim xəttinə rəhbərlik edirəm”, – deyə Hellner qeyd edib.

O, pilotluq hüququnu nə vaxt əldə etdiyini açıqlamayıb. 2024-cü ildə təsis edilən “Hellner” adlı idman geyimi brendi qısa müddətdə kifayət qədər uğurlu startap kimi tanınıb.

40 yaşlı isveçli idmançı 2006–2018-ci illər aralığında peşəkar səviyyədə çıxış edib. Dünya Kubokunun ümumi sıralamasında onun ən yaxşı nəticəsi 2009/10 mövsümündə üçüncü yer olub.

2010-cu ildə Vankuverdə keçirilən Olimpiya Oyunlarında Markus 30 km məsafədə, eləcə də 4×10 km estafet yarışında qızıl medal qazanıb. Dörd il sonra isə İsveç yığması Soçi-2014 Olimpiadasında estafet yarışında yenidən qalib olub.