İdman

22 yaşlı idmançı faciəvi şəkildə öldü

2 Fevral 2026 23:00

Avstraliyalı snoubordçu Ella Bruk Yaponiyada dağ xizək kurortunda baş vermiş bədbəxt hadisə nəticəsində dünyasını dəyişib.

Publika.az xəbər verir ki, bu barədə “Independent” qəzeti məlumat yayıb.

Məlumata görə, 22 yaşlı Bruk xizək qaldırıcıda yaranan qəzadan aldığı xəsarətlər səbəbindən həyatını itirib. Kurortun nümayəndələrinin sözlərinə görə, Brukun çantasının bel qayışı bərkidilmədiyi üçün qaldırıcı oturacağına ilişib, lakin sinə qayışı bağlı qalıb. Nəticədə çanta onu qar üzərində sürüyüb və idmançı havada asılı qalıb.

Kurortun əməkdaşı fövqəladə vəziyyət düyməsini basaraq qaldırıcıyı dayandırıb. Brukda ürək dayanması baş verib. Ona dərhal təcili tibbi yardım göstərilib və xəstəxanaya aparılıb. Lakin onun həyatını xilas etmək mümkün olmayıb.

Avstraliya Xarici İşlər və Ticarət Nazirliyi idmançının ölümünü təsdiqləyib və Ella Brukun ailəsinə konsulluq dəstəyi göstərdiyini açıqlayıb.