İdman

"Əl-Nəsr" Ronaldonun yerinə Salahı gətirir: Fantastik maaşa

10 Fevral 2026 11:02

"Liverpul"un hücumçusu Məhəmməd Salah 2026-cı ilin yayında Kriştiano Ronaldonu əvəzləmək üçün "Əl-Nəsr"ə keçəcəyi halda yüksək məvacib ala bilər.

Publika.az xəbər verir ki, Ər-Riyad klubu onun maaşını üçqat artırmağı planlaşdırır. Nəticədə misirli ulduz həftədə təxminən 1,4 milyon avro qazana bilər. Bu barədə "The Mirror" nəşri məlumat yayıb.

Mənbənin bildirdiyinə görə, Səudiyyə Ərəbistanı klubu və yerli liqanın rəhbərliyi 41 yaşlı portuqaliyalı ulduzu əvəzləməkdə maraqlıdırlar. Ronaldo isə liqada maliyyənin ədalətsiz bölüşdürülməsindən narazı qaldığı üçün "Əl-Nəsr"lə müqaviləni pozmaqla hədələyir.

Qeyd edək ki, 33 yaşlı Salah 2025/26 mövsümündə keçirdiyi 25 oyunda 6 qol vurub və 6 məhsuldar ötürmə edib. O, 2017-ci ilin iyulundan "Liverpul"un formasını geyinir. Futbolçunun klubla müqaviləsi 2027-ci il iyunun 30-dək qüvvədədir. "Transfermarkt" portalı Salahın transfer dəyərini 30 milyon avro olaraq qiymətləndirir.